समाजबादी फोरम र लिम्बुवानबीच एकता हुदै

काठमाडौं : संघीय समाजवादी फोरम नेपाल र खगेन्द्र माखिम अध्यक्ष रहेको संघीय लिम्बूवान पार्टी नेपालबीच एकता हुँदैछ । फोरमले शनिबार बिज्ञप्ति जारी गरेर आइतबार पार्टी एकता हुने जानकारी दिएको छ । भोली एक बजे हुने एकता कार्यक्रममा अध्यक्ष माखिम सहित लिम्बुवानका नेताहरु फोरममा समाहित हुने भएका छन् । माखिमले दुवै पार्टीको नीति, सिद्धान्त र एजेण्डा मिल्ने भएकाले एकता गर्न लागिएको बताए । पूर्वी नेपालको दश वटा जिल्लामा संघीय लिम्बूवान पार्टी सक्रिय छ ।